//情人節甜到漏!娛樂圈5位好老公甜蜜冧爆老婆//

情人節雖然已經過去,但甜蜜氣氛依然圍繞四周。娛樂圈的人夫們在今個情人節都冧招盡出哄老婆,這幾位好老公代表的舉動更加係令人見到都覺得Sweet爆!

 

//張智霖//

邊個話情人節只可以慶祝一次?雖然已經結婚十幾年,但Chilam依然不失浪漫。佢預先同老婆食咗情人節大餐,再在情人節正日送上一束紅玫瑰,浪漫指數爆燈!

 

//張繼聰//

比起名貴禮物,費盡心思準備的甜蜜回憶自然最冧。出咗名「愛妻號」的張繼聰話老婆阿Kay唔要物質禮物,想要一個幾十年後都會記得的回憶,所以佢去海旁自彈自唱《每天愛你多一些》俾老婆聽,。呢個驚喜Sweet爆之餘,仲俾一眾網民話佢「做壞榜樣」!

 

//林奕匡//

情人節唔一定要出街慶祝,兩個人留在家中一起都可以好甜蜜。阿Phil情人節冇同老婆出街,兩個人一齊留在家中,阿Phil彈吉他為老婆伴奏,最尾望向老婆嗰一眼真係甜到隔住屏幕都感覺到。

 

//陳豪//

愛情要保鮮,唔好因為家庭和事業而令二人世界變成N人世界。陳豪年年都會同老婆去一個二人浪漫之旅,今個情人節佢就揀咗同老婆去西班牙享受拍拖時光,Aimee係IG度仲稱呼陳豪為「my romantic sexy Spanish boyfriend」添。

 

//修杰楷//

就算不在對方身邊也可以為摯愛送上情人節驚喜。台灣藝人修杰楷和賈靜雯今個情人節雖然因工作而分隔兩地,但修杰楷依然遠程控制為身在紐約的老婆送上玫瑰花和手寫卡。不受距離影響,只要有心兩人分隔幾遠都可以甜蜜過節。

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s